估唔到周初美股玩咁大，一個「華麗轉身」好淡友全部中招。港股昨有樣學樣，恒指一早低開132點後即刻衝上21,871點，最多升620點，但午後立即回軟，最勁係未到兩點半又鹹魚翻生，最後收21,404點，升153點，全日波幅逾千點。
昨日最大亮點係北大人收市後宣布雙降，又唔知可以撐個市幾耐。臨近結算期指又再大起大落，日市收21,575點，高水170點，成交達14.1萬張。國期日市收9,620點，升得24點。無他，滬綜指跌穿「三千金身」，既然期指咁難估，後市都係轉沽國期即市，起碼有內地股市抽後腿，要彈都無咁易，逢彈至9,850點邊就沽，升穿一萬點止蝕，到9,400點就食胡，密食當三番。
John Mullen