昨日開市見魚缸中人個個眼定定，以為已經夠慘？未算，午後港股最多跌逾千二點，主板成交增至1,389億元，而且歐洲開市德法英全部裂口低開2至3%，手上揸好倉又未跳船者，真係有得震無得瞓。
睇番昨日即月期指一開市已經見21,690點，之後反覆向下，午後跌幅一度收窄，但不久即重現弱勢，日市以近低位收，報21,128點，跌1,360點，低水124點，成交9.6萬張。臨近期指結算但未平倉合約達9.8萬張，反映淡友信心十足。
策略上，保守者可候反彈建淡倉；至於筆者，昨早市見淡友如此「勇」，決定在21,500點小注追沽，博環球投資市場今次玩鋪大，目標直指兩萬點，最多升穿昨日高位21,800點水平走人。
John Mullen