一套喜劇成功，除咗要主角搞笑，由配角至擔任下靶位置嘅演員亦應記一功。不過，做下靶嘅唔代表實力同主角相距甚遠，好似中島早貴咁，雖然甘願喺組合中畀其他成員玩弄，但論樣貌以及表現，絕對唔會輸蝕畀組合中任何成員。
家陣好多香港年輕歌手同模特兒都鍾意拍水着寫真，一騷優美身段，之不過，小弟認為呢類寫真集確係誘惑，好可惜意識偏向黃色，唔似得日本一班年輕美少女歌手咁，展示出性感得嚟又健康嘅一面，我所講嘅就係中島早貴喇。今年21歲嘅早貴青春俏麗，五官標致之餘一把長長嘅烏黑秀髮凸顯出一股柔弱感覺，睇落仲覺得阿妹似人氣女星戶田惠梨香添。相比起惠梨香，早貴不但多一分嬌俏同青春活力，除咗身材稍勝對方，健康氣息亦較惠梨香嘅病態美更為吸引。早貴身段纖巧得嚟帶一點點豐滿，C-Cup上圍甚有斤両，加上白嫩且彈手嘅肉地，足以令麻甩佬睇到眼都唔眨，但喺欣賞嘅同時唔會產生歪念，只因早貴所散發嘅魅力既天然又健康。
中島早貴好後生就踏足藝能界，有幾後生？成為團體「Hello！Project」成員開始舞台演唱生涯嘅時候只係得8歲。三年之後，早貴就成為團體嘅分支組合℃-ute嘅成員，之後同時兼任組合守護之星4組合，不過最為人熟悉嘅身份都係前者。喺℃-ute組合，中島早貴可以話係隊長矢島舞美嘅最佳拍擋，二人唔單止一樣咁標致可人，身材又係咁白滑嬌美，據聞二人感情相當好，早貴更加可以話係舞美最信任嘅成員，從℃-ute演出嘅不同活動及電視節目當中，俱可以見到舞美會將不同任務交到說話技巧上乘嘅早貴手中完成，例如為組合發表公開講話咁。然而，早貴同時亦係℃-ute當中嘅下靶角色，經常被人整蠱，引發出唔少笑料來。
中島早貴成為組合℃-ute嘅成員，發表消息都會透過組合嘅官方博客進行，想知道早貴嘅新動向，最好就係去呢個博客喇。
網址：http://gree.jp/c_ute/blog
年齡：21歲
身高：5呎1吋
三圍：33-23-33
撰文：賢