講品味，唔少得紅酒，所以私人銀行用佳釀冧客呢招永遠唔過時，永隆私人銀行最近就再用紅酒冧客，繼早兩年用政商界熱捧的Pontet Canet後，今年揀咗因為漫畫《神之水滴》而迅速火紅嘅Chateau Mont Perat，仲有Despagne釀酒家族收藏品Girolate。
永隆今年請咗30個私人銀行及財富管理客戶去試佳釀，仲請到法國Despagne家族酒莊代表Florent Genty做介紹，聽講當晚客戶都對唔同葡萄酒，都各自心有所屬。
紅酒品味雖好視乎個人，好似私人銀行投資產品咁，不過總有幾款尤其得人歡心，其中一支就係《神之水滴》主角第一支飲嘅紅酒Chateau Mont Perat，有引導人走入紅酒世界嘅魅力，另一支就係○一年嘅Girolate，雖然係由100% Merlot葡萄釀製，但係複雜有層次。
余絲韻