尋日七月初七，人稱七夕，即是中國情人節，聽講阿牛郎同織女呢日可以喺鵲橋見吓面。若然咁嘅日子無人同你見面，得你自己一個喺屋企獨食，攬住包薯片當一餐嘅話，你絕對應該上fb晒命， 事關你對社會嘅貢獻一定大過啲溫馨閃光彈，零食市場谷得起都係全靠你。
美國最近市場研究調查發現，會留喺屋企獨食嘅美國人，平均舊年有191餐係零食當飯吃，比一一年時嘅167餐多咗大截。有分析師話，當地零食產業谷得起，全靠單身寂寞人愈嚟愈多。絲絲有冇份？識分Solitude同Loneliness兩個字嘅，先好嚟問絲絲。
余絲韻