由科大兩兄弟搞出嚟嘅《神魔之塔》，近期可謂禍不單行，舊年畀雲遊（00484）終止入股協議，尋日仲畀騰訊（00700）宣布終止埋中國地區營運，「七夕」講分手就已經有啲……仲咁啱得咁蹺，兩次事件幾乎發生喺「當年今日」。
《神魔之塔》內地官網公布，由十月廿二號上午終止騰訊版《神魔之塔》喺中國地區嘅營運，關閉遊戲伺服器。
而就喺一年前嘅八月廿一號，雲遊公布終止斥資7,000萬美元（約5.46億港元）入股《神魔之塔》母公司Magic Feature約21%權益，令呢隻手遊創辦人曾建中及曾建豪兩兄弟見財化水。今次連騰訊呢個碼頭都冇埋，唔知未來仲有乜大計呢？
余絲韻