數碼通（00315）總裁黎大鈞今個月底就同公司說Goodbye，佢呢位數碼通「開山祖師」話決定走，係因為自己呢個年紀係時間要幫自己打算一下。
黎大鈞今年61歲，絕對仲有心有力，佢之前亦出入過數碼通一次，今次又會唔會……不過佢話「走就係走，放手就放晒，我唔會考慮轉做非執董，亦無計劃去郭炳聯其他公司度做」，斬釘截鐵，冇拖泥帶水，絕對佢風格。
佢九二年以首任總裁身份，帶住數碼通打入2G市場，到○一年再重返公司發展3G與4G，完全見證住香港通訊行業嘅時代變遷，「寸嘴」梗係寸得起。
數碼通早排推出移動電商應用KISS，係佢離別前最後代表作。邊位接棒？佢好口密咁話等安排。
余絲韻