絲絲講場：領匯改名純為「拉關係」
「領匯」（00823）尋日正式宣布改名為「領展」，英文名亦由「The Link」改為「Link」，企業傳訊及對外關係總監盧炳松解畫話，改名唔係為咗洗底，而係想拉近同租戶嘅關係喎。
推App方便泊車
佢哋今次連Logo都換埋，咁改改要使幾多錢？盧炳松唔肯講，只係話會由日常宣傳推廣費裏面撥出嚟。
新名新形象，就梗連住一串宣傳，大部分同食有關。領展搞緊個香港特色美食選舉，蛋撻、奶茶、雞蛋仔……各位街坊可以推薦好味食肆。領展嚟緊會試推手機App「泊食易」，唔單止可以睇到佢哋旗下停車場有幾多車位吉，仲為啲無乜方向感嘅車主紀錄低泊車位置添。呢樣啱晒絲絲。
余絲韻