話說中國海外（00688）尋日業績會，大家見佢哋首席財務總監舊年畀人挖走咗，梗問番句仲有冇再畀人挖角，主席郝建民即刻掉轉槍頭話在座各位傳媒換得更快，大概半年就換一次面孔，「講穩定，你們就更不穩定！」四兩撥千斤到呢。
莎莎郭太護夫玩搶答
都係尋日，莎莎（00178）主席郭少明（Simon）話依家好多地方嘅貨幣都跌咗，搶走晒啲遊客，對本港零售業唔好。嗱嗱嗱，外遊平咗，Simon最近又有冇去吓旅行輕鬆吓呢？絲絲冇理由唔問嘛。喺旁邊本來只係聽嘅郭太羅桂珍立即「搶咪」話「冇呀，郭生工作好忙，啱啱先喺上海做完嘢返嚟」，仲話搞到上海嘅同事星期日都要加班添。郭太反應超快，果然係位賢內助。
余絲韻