保險公司爭住推廣運動養生。友邦（01299）已經連續三年贊助「樂施毅行者」，今年仲破紀錄有20隊共80名員工參加。友邦香港及澳門首席執行官陳榮聲（Jacky）就計過條數，佢哋員工歷年參加毅行者行過嘅總里數，有成1.12萬公里，足足翻越半條長城！Jacky果然係精算師出身。
宏利亞洲都唔輸蝕，搞咗個健康計劃畀客戶參加，遲啲仲會送智能運動手帶，可以透過流動程式或網上平台，記錄做咗幾多運動。無論散步、跑步、跳繩，或者行樓梯，只要做夠Quota，買醫保仲有折扣添。
間間保險公司頻頻諗計想人健康啲啲，唔知係咪近排Claim醫保嘅人太多呢可。
余絲韻