絲絲講場：郭Sir掟iBond 5賺餐飯
耀才證券（01428）市務總監郭思治（郭Sir）要靠iBond 5（04228）賺飯錢？尋日iBond 5掛牌，抽中兩手嘅郭Sir亦唔執輸，話耀才股東會之後就去沽貨。
料深港通末季開通
iBond 5尋日收報105.5元，兩手即係賺千零蚊。郭Sir話用嚟食餐飯，推動吓經濟咁話。郭Sir又話有信心深港通今年第四季開通，仲覺得耀才啲內地客普遍對港股興趣多咗，尤其係啲香港大價股、國策股。咁郭Sir遲啲咪仲會再忙啲，真係要趁依家同老婆囡囡食多餐飯享受吓天倫之樂。
郭Sir位千金依家讀緊大學金融系。想唔想囡囡入埋耀才？郭阿爸話會畀個女自己話事。郭千金，剪報做證呀。
余絲韻