絲絲講場：摩記傳菲律賓重生
舊年，絲絲睇住Motorola（摩托羅拉）被聯想（00992）收購咗，個心都戚咗一下，唔知Motorola會否就此消失，話晒都陪住一齊成長。近排，忽然話Motorola好似會移民菲律賓重生。
三款新機 千零蚊部
聽講，聯想今個月會喺菲律賓推出三款Motorola手機，賣大概千二至三千蚊港紙。哎吔，未知係功能機定係智能機添。
Motorola曾經叱咤一時，仲記得當年見李首富喺記者會上舉起過部StarTAC，絲絲之後即刻撲番一部。嗱嗱嗱，曾幾何時你都有份咁年少無知過，唔准唔認。