大市成交終於跌穿千億元水平，在現貨成交逐漸萎縮下，波動市況似平靜下來，大市在24,800點樓上的三、四百點內整固，交投減少固然限制再爆升力度，好可能22,836點見了今年低位，大戶想做落值博率亦唔高，形成市況膠着。
恒指昨升107點報25,162點，日市期指收報25,067點，低水96點，未平倉數字繼續縮減。由周一午市至今，所見是期指多次觸及24,800至24,810點範圍後回升，惟25,150至25,300點之間阻力唔細，致令唔少短癮的好倉客，在貼近支持位作即市短跑，等到現貨收市後冚倉食胡。稍為微調入市策略，將破位追勢開好倉的設定位，由25,300點降至25,240點，即市升穿照追，短線目標25,470點，過夜盤的話則睇25,740點。
John Mullen