當新電話面世想吸引人注意，鬥平鬥大鬥功能已經無乜新意。魅族今次為新機魅藍2搞發布會一於玩懷舊，一打開個邀請函，竟然係諾基亞1110呢部經典黑白機！唔通魅族返樸歸真，打算出部無得Whatsapp但有得玩貪食蛇嘅機！？
呢次魅族擺部經典上枱，睇嚟係因為當年1110曾經創下2.5億銷量嘅輝煌紀錄，所以魅族先打正旗號話要做「智能機時代的1110」，希望部新機魅藍2有「一代機王」咁賣得。
魅族講明新機魅藍2係要「為年輕朋友帶來優質的青年良品」，但1110喺○五年推出嗰陣，班「○○後」先得幾歲，會識得1110係乜咩？
余絲韻