英美管得嚴 攻亞洲好過
第一個舉手反對嘅，竟然係星展CEO高博德（Piyush）！Piyush同絲絲話，睇吓今年環球大行瑞信、渣打（02888）、巴克萊同德銀，間間都換走晒啲CEO，環球大行CEO個位好難坐穩！
Piyush上述純粹搞Gag。做得嘢嘅，去邊間行做CEO都一樣掂。佢話，環球銀行必到之處嘅美國同英國，特別惡搞，嗰兩邊監管極嚴，星展都係專心做亞洲生意為重，目標企穩做地區銀行一哥。
絲絲聽過有傳，話亞洲區有銀行想收購渣打嚟轉型做環球銀行，Piyush點睇？佢認為，渣打六十幾個地區業務，有六十幾個監管機構要應付，收購完後兩間銀行又要整合，合併邊得咁易。
余絲韻