絲絲講場：四叔外孫女壓力變動力
唔止係絲絲呢啲打工仔有壓力，就連恒地（00012）主席李兆基「四叔」的外孫女李敬恩（Kristine）一樣有。尋日佢以恒地租務部助理總經理身份出席旗下商場開幕活動。幫手打理家族生意難免感到壓力，不過屋企都好支持佢！
首擔大旗 成績理想
Kristine係四叔長女李佩雯同李寧嘅大女，「壓力一定有，不過公公（李兆基）、父母同舅父李家誠都畀好多支持我」，仲不時鼓勵佢，佢話呢啲係正面壓力。翻新「KOLOUR元朗千色匯」商場係Kristine首次擔大旗之作。翻新後，舖位幾近全部租出，租金平均升約35%，人流亦增加四成。佢仲話「荃灣千色匯」改建預計明年底完成，兩個項目合共斥逾2.3億元翻新。
余絲韻