富士山債定拉麵債？
日本上月尾都發咗人仔債，當地金融業界同財務省為咗要幫啲債券改個靚別名，都諗爆頭，事關中、日兩國之間嘅金融合作落後咗啲啲，所以大家都想諗個爆啲嘅債券別名出嚟沖喜吓。
依家最Hit嘅候選佳麗係「富士山債」同埋「拉麵債」。日本金融業界認為拉麵源起中國，今時今日又已成為日本大眾飲食，同象徵中日融合嘅人民幣債券啱晒Feel；之不過當地財務省就覺得，富士山先係日本象徵，所以力推「富士山債」。
嗱，仲有其他佳麗可以揀，好似「櫻花債」同「天婦羅債」咁。計絲絲話，「拉麵債」又好、「富士山債」又好，最緊要係銷得，若然唔銷得，叫乜嘢名都冇用啦。
余絲韻