銀行公會同聖雅各福群會搞咗個青年理財教育計劃，幾間大行誠意十足，出錢出員工幫手，活動大使委任儀式仲每間銀行派個大Banker出席，非常畀面。
其中花旗香港及澳門區行長盧韋柏（Weber）、中銀（02388）個人金融及產品管理副總經理周澤慈、渣打香港行政總裁辦公室主管譚何錦文、滙豐銀行亞太區顧問梁兆基仲分享理財、入行心得。
做Banker係咪一定要讀經濟金融呢？周澤慈話，中銀揀MT嘅時候，唔係睇同學有無牌、有無相關學歷，係睇對數字敏唔敏感。
Weber就話，揀工唔可以只睇賺幾多錢，自己嘅興趣先係最重要。佢當年讀經濟，一畢業就有花旗嘅Offer，不過自己就想試吓消費品行業，做咗十幾年先轉入銀行。
余絲韻