絲絲講場：國產「綿羊仔」鬼佬好like
內地近年湧現不少甚有瞄頭嘅初創企業，新近有家名為牛電科技嘅，就被譽為繼五年前嘅小米科技之後，另一間可以顛覆整個行業嘅明星初創企業。
牛電科技研發嘅正就是當今熱門嘅電動車行業，而佢生產嘅係一款外貌酷似小綿羊電動電單車，名為小牛電動車N1。
眾籌6粒鐘破3千萬
牛電科技聯合創始人胡依林同絲絲講，小牛電動車N1日前在京東進行眾籌，4分38秒就完成籌款500萬元（人民幣‧下同）嘅目標，14分鐘突破千萬，5小時50分就突破了3,000萬元。
小牛電動車N1在內地還未開售，已有來自泰國、馬來西亞以至意大利和德國等外國訂單。家陣公司擬在十一月份進軍歐洲市場，定價會在1,200至1,500歐元之間。至於內地售價，分為城市版和動力版兩個，價格為3,999元和4,999元，較海外版便宜得多。
余絲韻