滙控（00005）近年官司纏身，因為單外匯操縱案，剛剛又再畀美國罰多2.85億美元，跟手仲唔准滙控喺美國承做新按揭，可以話係相當黑仔。為咗氹番班股東，滙控喺策略日都講咗唔少大計，包括賣咗賺唔到錢嘅巴西、土耳其業務，同埋派「大信封」炒人，希望能夠華麗轉身。
不過，滙控盤大計就似乎未說服到班券商喇！麥格理以格蘭披治賽車手Victor A1 Pease嚟形容滙控嘅情況，唔知佢係邊個？Pease咪就係當年格蘭披治車壇史上唯一一個因為手車太慢，而被叮出局嘅賽車手。
麥格理覺得，滙控雖然已經有成盤重組大計，惟日新月異嘅監管同經營環境都轉變緊，呢隻大笨象實在轉身太慢喇。麥格理認為，即使係咁Ｃut Ｃost，提升盈利嘅核心問題始終解決唔到，擔心中期可能要Ｃut派息添喎！
余絲韻