內地經濟發展迅速，民眾旅遊需求大增，加上上海迪士尼將於明年開幕，帶旺旅遊板塊人氣，錦江酒店（02006）昨日初現突破，值得留意。
錦江炒上誘因主要有幾個：首先，集團基本面不弱，去年盈利增長四成至6.21億元人民幣，加上早前公布旗下兩間在內地上市的附屬公司錦江股份（600754.SH）及錦江旅遊（900929.SH）今年首季度業績表現不俗。其次，集團去年加快國際化發展步伐，完成收購盧浮集團100%股權（盧浮集團在全球46個國家擁有、管理和特許經營超過1,100家酒店）。
最值得留意的是，集團既以上海作為業務基地，相信能直接受惠於上海自貿區發展、國企改革及迪士尼開幕等三大利好題材，炒作概念夠晒多。
從估值上考慮，錦江往績PE達28倍，PB約2倍，純睇估值似乎唔算太吸引，但近期炒股都唔係睇基本因素啦！昨日該股收4.02元，剛剛上破四月中至今長方形橫行區阻力，可惜成交未算太配合，若今日能企穩4元關可投機跟進，首站目標4.5元，跌穿10日線3.76元止蝕。
帥哥