一直以逸待勞等破位追勢，上周五終於按計劃行事，穿27,930點追買。港股與A股背馳多時，周五A股再破頂，加埋有深港通有下文的消息流傳，結果港股一如前周五，在個個以為周末假期前例靜，照辦煮碗來個大挾淡，把淡友趕盡殺絕。
朝早期指以2,7650點開出後，好友一直控制大局，到中午高見28,060點後，即市波幅超過400點，方見好友放軟手腳，最後日市期指收27,982點，較合理值27,988點輕微低水6點。收市後，中港互認基金的消息，刺激夜期一開逼近28,300點水平，估唔到成個五月市況悶局，高位橫行去到結算進入倒數，好友方趁機發難。
升穿27,930點追買的計劃終於實現，短期目標在28,300至28,621點之間，結算前如守得住28,300點，筆者傾向會搵機會轉開六月好倉。
John Mullen