有報道話滙控巴西嗰邊嘅工會，指控銀行過度插手員工私生活，引發多宗訴訟。參與指控滙豐案嘅銀行職員工會主席Elias Jordao話，依家至少有一單訴訟係有關銀行喺內部Memo入面提醒員工要沖涼刷牙。
預兩億美元賠償
Elias仲話，所有之前喺公司見過呢張Memo嘅同事都可以向滙控尋求精神損失，絲絲相信件事有排煩。有見及此，聞說滙控已就各類勞工索償準備定近兩億美元，不過一班潛在買家都好懷疑夠唔夠。
除咗睇員工索償，準買家都關注滙控巴西嗰邊人手太多嘅問題。巴西子公司有二萬幾個員工，買家接手後很大機會要裁員，到時要根據勞工保護法賠錢，所以滙控被要求減吓價先再傾。
余絲韻