「梳化股」敏華控股（01999）執行董事Alan Marnie話自己係公司梳化嘅Fans，鍾意到將敏華引入埋英國市場，仲話自己喺內地嘅Apartment瞓覺時多數都係瞓梳化，因為話床都冇咁舒服呀。原來真係有男人鍾意瞓梳化！
Alan係蘇格蘭人，佢以前都喺當地做傢俬生意，之後加入敏華。佢工作好忙o架，全年有5個月留喺內地同香港、3個月返歐洲，其餘3個月就會去其他地方例如阿聯酋杜拜Sell梳化。佢笑住話公司「Chur」到佢好盡，只係星期日下晝先放假，但好在自己係工作狂，好Enjoy。怪唔之得敏華截至今年三月底止財年盈利按年升一成啦！
講開又講，Alan讀緊大學嘅大仔，因為細細個就出入梳化廠，暑假探爸爸嗰陣都會幫吓爸爸手學做生意。Alan話，唔排除囝囝日後接班o架。
余絲韻