絲絲講場：與庫克食晏愈嚟愈平

同Apple現任教主庫克（Tim Cook）食餐晏，要幾錢？盛惠20萬美元。今年係庫克第三年慈善拍賣同佢喺蘋果公司總部撐枱腳食晏，結果最後有人出到20萬美元嚟Bid到，不過食飯時間得一粒鐘。即是每分鐘值成2.6萬港元，都唔知用來食定傾計好。

今次餐慈善晏，邊個Bid到？唔知呢，事關身份係保密嘅。只知佢可以帶到個Friend出，仲有得去埋嚟緊嘅蘋果發布會。

對上兩次拍賣，第一次有人出61萬美元同庫克飲咖啡，第二次就出30幾萬美元同佢食晏，今年只係20萬美元，即係156萬超抵。話時話，點解愈來愈平？相反，股神巴菲特個慈善飯局個價愈Bid愈高。

余絲韻