教育機會均等競爭大
Ivan話唔應該「一竹篙打一船人」，佢公司年年都請Fresh Grad，佢唔覺得90後有乜問題，可能只係表達方式同語言會同老一輩唔同。點唔同？即係會用「WhatsApp文體」，句子短啲，精簡啲咁。
Ivan又話，每一代都有人積極有人唔積極，個個都唔同，無謂代與代比較，始終把尺唔同好難比。只可以話，依家嗰一代教育機會差不多，表現都好平均，所以競爭激咗，年輕人向上流亦難咗。
其實唔單只香港面對呢個社會問題，好多國家都一樣，Ivan覺得香港嘅年輕人發展機會相對已經較好。不過呢，佢覺得一代人叻過一代人，個社會係進步緊嘅。
余絲韻