絲絲講場：首爾朝聖LINE旗艦店

即時通訊App LINE嘅可愛貼圖，絲絲啲一Pair Pair嘅朋友，不時你係Brown時就我係Cony，絕對係愛的見證。
首爾江南區新沙洞的LINE Friends Store旗艦店有齊最新的LINE商品，吸引來自各地粉絲「朝聖」。
首爾江南區新沙洞的LINE Friends Store旗艦店有齊最新的LINE商品，吸引來自各地粉絲「朝聖」。

絲絲上星期去咗首爾一轉，去咗LINE新開嘅旗艦店LINE Friends Store，不僅有齊貼圖產品，個Brown仲高過絲絲，有成3米高；佢哋仲開埋Cafe，絲絲仲食埋Sally Macaron添。朋友們，羨慕吧！

間旗艦店開喺江南區新沙洞，合共3層，2樓主打時裝同家品，地庫設有Cafe。LINE港澳區事業部經理Cindy Park（朴奎玲）亦有到場打氣，原來佢都係第一次參觀呢間新舖。

這個高三米的LINE貼圖人物角色Brown屬「鎮店之寶」，粉絲們紛紛排隊影相。
  • 這個高三米的LINE貼圖人物角色Brown屬「鎮店之寶」，粉絲們紛紛排隊影相。
旗艦店共三層，二樓主打時裝家品。
  • 旗艦店共三層，二樓主打時裝家品。
LINE Cafe設於地庫，售精緻甜點。
  • LINE Cafe設於地庫，售精緻甜點。
首次參觀店舖的朴奎玲亦愛上LINE Cafe熱賣的Macaron。
  • 首次參觀店舖的朴奎玲亦愛上LINE Cafe熱賣的Macaron。

下站香港開店唔出奇

LINE舊年喺香港希慎廣場搞嘅Pop-Up Store，啲LINE Friends粉絲當時已經High晒，Cindy話考慮緊以咩形式再同香港粉絲見面，話唔定會直接開設香港LINE Friends Store，一年內有定案。到時絲絲身邊嘅一個二個Brown同Cony，唔使再特登飛去南韓同日本朝聖。點先算得上係真正忠粉？嗱，Sally到底係雞定鴨？

余絲韻

Money18更多即時港股指數資訊