絲絲講場：同學返校炒股 未算方便
炒股炒到入校園，大學生對股票冧巴仲熟過絲絲。唔止係咁，原來香港啲大專院校都收埋唔少Bloomberg機，有啲甚至有十幾廿部，仲多個絲絲Office！
絲絲問過各大院校啲同學仔，原來中大啲機係畀計量金融學系上堂用，所以絕大部分學生未用過。
而科大同理大啲Bloomberg機就放喺圖書館，同港大一樣公開畀同學使用。不過，雖則科大「拉把」嗰6部機開放任用，但似乎無人問津。「唔多覺眼有呢啲機喎」，有炒開股票嘅科大同學Kenneth話「我炒股都係睇港交所同埋電話App」。
至於恒生管理學院，都有成廿部機放喺金融交易室，方便金融系嘅同學仔上堂用。不過，恒管投資學會前外務副主席Jimmy就呻，用機有限制，要申請先用得。「我最多用過一次嚟做功課，Check吓個Historical Price，同埋間公司過往嘅Data。炒股Check股價梗係唔會特登Book間房去用部機啦！用電話App嚟Check仲快，有時會用《東網Money18》！」
用《東網Money18》更加正
計絲絲話，Bloomberg呢類機，確實可以提供唔少財經資訊，幫到同學仔擴闊視野，不過講到炒股，就算無呢啲機用都No Problem，事關手機App就可以隨時隨地（目及）住個市。想做學生股神，Download先啦。邊個App好？講咗啦，仲使問？！
余絲韻