絲絲講場：內險「退保潮」歸咎股市旺
舊年A股勁升，幾間出咗業績嘅內地保險公司，絲絲都見佢哋投資回報有斬獲。不過，凡事總有兩面，股民見個市升，自然就一窩蜂去晒買理財產品，搞到唔少人退保，保險公司變相唔見咗唔少客。
萬峰：那你叫我賣甚麼？
新華保險（01336）總裁兼首席運營官萬峰都話，舊年多咗客退保，尤其係啲「高現價」產品，即係現金價值高，退保時可以拎番多啲錢嗰啲，搞到保險公司好頭痕。
既然係咁，不如唔好賣咁多呢類產品啦！點知，萬總反問絲絲一句「那你叫我賣甚麼？」事關個個對手都有賣，啲客又好鍾意。不過，好在人行減息，保險產品啲利息又相對吸引番，萬總今年應該冇咁慘慘豬喇啩？
余絲韻