絲絲講場：推盤的藝術

華懋集團尋日喺九龍塘雲門搞咗個別開生面嘅樓盤推介活動，特別邀請國際知名藝術家林文傑一齊合作，即日起至六月二十一日，喺樓盤現樓舉行藝術展，華懋慈善基金理事會及集團管治委員會主席龔仁心率領華懋執行董事兼行政總裁楊光等一齊出席主持剪綵儀式，期間一向醉心藝術嘅楊光仲即興同林文傑嚟一場互動表演，楊光透過演奏樂器「尺八」，為林文傑表演書法期間伴奏，兩人全情投入，睇到絲絲同在場人士相當陶醉，林文傑仲即場將作品送畀龔仁心同楊光等人做留念。