絲絲講場：ICC外牆變藝術殿堂
欣賞世界級藝術作品唔一定去博物館，呢個春天望住ICC就得。新地今年再同巴塞爾藝術展（Art Basel）合作，將當代中國青年藝術家曹斐嘅光影作品「樂舊‧圖新」展現喺ICC外牆。邊位曹斐？前年西九嗰隻巨型吹氣燒豬，咪就係曹斐嘅大作囉！
夜晚上映本地動畫
今次曹斐嘅作品，話係向80年代電子遊戲致敬，若你同絲絲一樣係「90前」嘅，下個月起一連兩個月，不妨邊吹維港海風邊回味呢份集體回憶。
想睇本地薑嘅作品，ICC外牆一樣有得上映，係6個城大碩士生創作嘅動畫短片，今日開始，每晚抬起頭就見。
另外，為慶祝月底開鑼嘅Rugby Sevens40歲生日，周五起ICC外牆仲會上演段欖球嘅聲光表演。ICC真係乜都有。
余絲韻