美國萬通今年請人Set咗個超級Target，要喺香港同澳門請多1,000人，令顧問團隊人數加到3,000人，仲話打算向澳門賭場埋手。
美國萬通常務董事兼總裁鄭慶藩話，以前澳門賭場高薪挖人，唔少大學生一畢業就入賭場打工，不過依家博彩業吸引力就無咁高喇。事關賭場已經好多年無加人工，而且升職又慢。
所以美國萬通打算由賭場埋手，喺澳門同各間大專院校做多啲推廣，吸引多啲肯搏嘅後生仔入行。
鄭慶藩仲提到，一向深受大學生歡迎嘅「煙腸」（Intern）計劃，舊年仲收咗嚟自醫科同法律系嘅同學仔。讀醫說服力咁高，唔通容易啲Sell醫保保單？
余絲韻