有人爆料畀絲絲聽，話有個機構投資者認購新股香港寬頻（01310），但估唔到抽到差唔多成球貨咁多，心驚驚，想等星期三暗盤放番啲貨先。絲絲心血少，最怕暈船浪。
絲絲睇番以往，好多新股多數係以中間價至下限定價，等第一批投資者可以有個水位賺一轉。今次香港寬頻以上限9蚊定價咁進取，大家都估佢唔到。唔知星期四首日掛牌股價走勢會點？
講開新股，有間內地民營整容醫療機構「鵬愛」都交咗上市申請，係內地第一間喺香港上市嘅「整容」概念股，佢哋打算上市集資收購同業。鵬愛嘅獨立非執董有曾志偉，係大家都識嗰個曾志偉！再睇真啲，內地影后劉曉慶係「鵬愛」嘅代言人，咁即係……
余絲韻