話說取消投資移民嗰日，入境處總共收咗1,700宗申請，其實全年都係得大概8,000宗左右，換言之入境處嗰一日做晒全年兩成「生意」，場面有幾墟冚，絲絲想像得到。一切咁突然，專搞移民生意嘅，又點接招？
美聯移民集團業務拓展董事黎家傑（Tommy）就話，當日美聯入咗起碼100張單，講緊每張至少要投資1,000萬先移到民，照咁計，即係齋經美聯手，香港當時單日就忽然多咗10億元！
轉型幫搞海外留學
興奮得一日就無，事關之後無得再做，公司有乜打算？Tommy話，嗰100張單都夠公司今年慢慢搣一陣嘅，之後都要開拓吓其他嘢，例如幫客搞吓海外留學。
余絲韻