通脹勁 日用品短缺
鄰國千里達吼準時機，近日度咗條「絕世好橋」，提議可以用廁紙、汽油同機械零件等，嚟交換委內瑞拉啲石油，千里達總理仲話呢個係雙贏嘅方案喎，但委內瑞拉就不予置評。覺唔覺有啲啲「一個出雞，一個出豉油」嘅感覺呢？
消息一出，香港網上啲「巴打」即刻話要掃午餐肉去追當地靚女。絲絲有個溫馨提示：委內瑞拉當地啲「巴打」話物資嚴重短缺，依家甚至要排隊買避孕套，可惜就算肯排都未必買到，而當地一盒36個裝嘅避孕套，早前喺網上已經炒到成6千蚊港紙，貴過部iPhone 6。手上揸住6千蚊點好？真係人生交叉點矣。
余絲韻