郭炳聯率眾執董主持
第二個係二哥郭炳江位公子郭基煇將首次以執行董事身份上座，相信會成為兩大焦點。絲絲都好期待睇吓郭基煇嘅出場，唔知佢會唔會代爹哋答吓地產嘢？
絲絲仲記得，當年新地業績會都係由郭氏三兄弟坐鎮，結果一個一個離席，今年就得番平時講嘢最少嘅郭炳聯主持。由於新地主業係地產，過去郭炳江當然係回答最多，唔知今年嘅樓市問題係咪由郭炳聯一個人答晒呢？
前政務司司長許仕仁及新地郭氏兄弟涉貪案舊年十二月宣判，之後郭炳江辭任主席兼董事總經理及執行董事，陳鉅源辭任執行董事，郭炳江兒子郭基煇就坐正做執行董事，仲接連幾次增持新地。
余絲韻