蔡崇信做替身來港開會
絲絲聽聞，上個禮拜港交所董事局同一眾高層開一年一度嘅「腦震盪」集思會時，就邀請咗馬雲位副手，即係阿里巴巴執行副主席蔡崇信百忙中抽空來港，做集思會嘅演講嘉賓，講吓近年市場最熱門嘅話題「新經濟」，可見阿里真係幾畀面小加總裁。
絲絲仲八到，其實小加總裁本來係直情想邀請馬雲嚟，只因為馬雲近排真係太忙太忙，所以先至由副手代為出席，令一眾高層錯失小加同馬雲高手過招嘅機會。
咁又係嘅，馬雲近排應該真係幾忙嘅，面對連串打假風波，美國又話要進行集體訴訟，聽落都頭痕。不過，來日方長，「雲加會」始終有機會嘅！
余絲韻