絲絲講場：上商摩根研討會有「火藥味」
絲絲近排參加咗幾間券商今年嘅投資展望會，大多喺大家耳熟能詳嘅酒店舉行，但上商與摩根資管今次別出心裁，喺有「小香港」之稱嘅壽臣山軍火庫舉辦投資展望研討酒會，令絲絲喺品嘗美酒佳餚之餘，也得以「一飽眼福」。
舊軍火庫搞投資酒會
是次開辦投資研討酒會嘅「小香港」，位於壽臣山深水灣徑，於上世紀三十年代末由英國皇家工程師興建，作儲存軍火及武器之用，戰後曾作為香港警隊駕駛學校，○三年被改建為酒窖及私人會所，耗資逾三千萬港元。依家嘅「小香港」，完全不見戰時痕迹，在郁郁葱葱嘅樹木環繞之下，已然成為有錢有閒之人周末假期嘅休閒去處。
余絲韻