絲絲講場：肖鋼講理財句句金

今日亞洲金融論壇重量級人物雲集，中證監主席肖鋼負責開幕演講，以財富管理為主題，由十六世紀瑞士私人銀行服務開始講起，講講吓更拋拋書包，成篇講詞有唔少四字成語，絲絲覺得肖總一定花咗好多工夫，值得畀個讚！

佢話，中國自古就有「聚之有道，用之有節」嘅思想，但佢覺得財富管理唔止係有錢人要識，喺大眾群體之間都要普及。

肖鋼又話，加強財富管理教育同宣傳好緊要，既要「善於創造財富，又善於管理財富」，仲話中國有句流行語叫「你不理財，財不理你」。財富管理行業要以啲客為中心，培養「賣者有責、買者自負」精神同埋「誠實信用、謹慎勤勉」嘅文化。

絲絲覺得肖鋼除咗推行財富管理教育之餘，仲可以順便推行埋中文教育喎！

余絲韻