絲絲講場：泛亞待客 先睇性格
中國首個Hello Kitty樂園啱啱開張，相信令到不少內地少女熱血沸騰。有份參加設計樂園嘅泛亞國際（06128）尋日搞傳媒午宴，絲絲就非常好奇，點解泛亞高層個個都係大男人，Hello Kitty項目對佢哋嚟講會唔會好棘手呢？身為公司行政總裁，同時又係景觀設計師嘅陳奕仁就笑言，「難唔難搞唔係睇咩Project，而係睇Client！」
最緊要相信專業
絲絲就追問佢，覺得邊類型嘅客最難湊？佢就話，其實個客喺設計方面有冇觸覺唔係問題，最緊要係信得過設計師嘅專業，又話公司會根據客戶嘅性格去安排番啲合適嘅設計師。
咁又係呀，如果個客品味麻麻但又堅持己見，設計師都好難做嘅。點都好，絲絲都係覺得大家有良好溝通最緊要！
余絲韻