作為呢間全球最大住宅開發商嘅領軍人物，王石相當特立獨行。佢喺正值年富力強嘅時候，突然辭任集團總經理一職，走咗去登山探險，迄今佢仲係中國成功攀登珠峰嘅最大年齡紀錄保持者添，睇到班股東又嬲又不禁佩服。
「我是既得利益者」
王石亦出名鍾意周遊列國，近幾年仲去埋哈佛、劍橋留學。不過，有記者問佢會唔會移民時，佢就話：「我不移民。我的事業在中國，我在國外指揮，高管會怎麼考慮呢？」
記者咁問因為王石講過對自己係中國企業家嘅身份有啲焦慮，覺得冇咩安全感。之不過佢今次就話自己係既得利益者，「真有不安全感的話就更不能走，跑了算甚麼？」
余絲韻