期指觀瀾：調整完成言之尚早
本周兩日V形走勢，唔知幾多炒家中招，筆者係其中之一，在周一無特別消息下急跌嚇怕，止蝕離場，昨日大市報復式反彈，完全未能受惠。
恒指昨早市很快測試即市低位23,293點，好友見頭肩頂頸線23,252點守得住，全日藉中資金融及保險股帶動，逐少收復前日跌幅。A股收市前，恒指最高升至23,784點，較周一收市價升417點，收市前升幅稍為回順，升286點收23,654點，主板成交1,044億元。
周一未平倉合約數字不跌反升，似道出短期震倉的可能，高於基金對後市全面絕望，齊齊散水，可惜見昨早市恒指實在太貼近重要頸線，怕破位引發好友冚倉進一步急挫，未敢貿然追買。
恒指在23,732至23,887點的下跌裂口，昨回補當中部分，暫不宜太早下結論周一的調整已經完成。
大市仍有可能在24,133點、24,313點及24,228點，這三個十一月造出高位的頭肩頂後抽之中，當現貨在23,252至24,313點之間，向上向下可能性同時存在。過去兩日的狂跌急升，期權的引伸波幅回升，同時沽出認購認沽博後市波幅收窄的值博率也都減低，若非對後向十分有睇法，暫時一動不如一靜。
John Mullen