愛爾蘭藥廠Actavis豪擲660億美元，收購美國抗皺肉毒桿菌（Botox）生產商Allergan，係今年最大宗藥企併購，意味住維權大鱷阿克曼夥拍加拿大藥廠Valeant吞併Allergan嘅行動，已正式失敗。不過市場話阿克曼呢單刁完美演繹乜嘢叫「公我贏，字你輸」，點解？
話說阿克曼喺Valeant四月第一次向Allergan提購時，已經持有Allergan接近10%股份，隨住阿克曼同Valeant不斷提高叫價，Allergan股價一路水漲船高，而畀Actavis「橫刀奪愛」之後股價仲大升5.31%，較阿克曼當初嘅入股價高65%，令佢大賺22.8億美元（約177.8億港元）。
阿克曼做呢單刁冒好大險o架，依家美國證交會仲查緊佢係咪內幕交易，Valeant成功咗，隨時由買家變被告都有份？不過，實情似乎係阿克曼利用收購抬高Allergan身價，衰咗表面上無彩攞，但實情就大賺一筆，真不愧係大鱷。
或者阿克曼心知Valeant勝算唔大，佢靜靜雞吸納寵物疫苗「一哥」Zoetis近10%股份。市場炒Valeant或轉吼Zoetis，刺激Zoetis股價上升，於是又賺一筆。
余絲韻