新地嘅資深靚女公關，話揀周六開股東會無咩特別喎，吉日係由公司秘書決定，主要係新地董事眾多，要遷就咁多人嘅時間好困難，為咗遷就眾董事嘅日程表，結果到周六先至夾到。
地點照舊 會後見傳媒
其實本港藍籌公司嘅股東大會，一向都會喺周一至周五舉行，但新地好似係第一次喺周六開，地點就照舊灣仔總部新鴻基中心53樓。
絲絲都知道，郭炳江同郭炳聯呢排周一至周五都好忙，雖然周六開股東大會，但仍會一如既往，同主要管理層喺會後，坐定定同傳媒傾偈。郭氏家族啱啱行使咗一批涉資80億元嘅認股權，又傳新地籌銀團100億元，相信會係大家嘅焦點。
余絲韻