一向敢言嘅阿里巴巴主席馬雲，尋日接受央視財經訪問，對時下青少年嘅精神食糧深表關注，仲點名話《蘋果報紙》向青少年洗腦式反共。
馬雲話，佢有兩個擔心，一個係中國健康問題，第二個係中國未來嘅整個思想健康問題。「你今天嘅孩子，你希望佢未來是甚麼樣，你今天就餵他甚麼樣嘅精神文化糧食。你去看今天嘅香港，十幾年以前像《蘋果報紙》每天講大陸怎麼愚蠢，中共怎麼倒楣，十多年以後孩子長出來就是這樣的，他有這種perception在裏面。」所以，今天給孩子看甚麼電影，享受甚麼樣精神文化產品，十年以後就是甚麼樣嘅人。
因而，阿里未來有兩大產業，一個是健康產業，一個是快樂產業。
講到快樂，馬雲應該最鍾情女人，阿里電商業務舉世驚嘆全靠女人。馬雲口中嘅「敗家女人」，其實都係為咗阿爸、阿媽、老公同埋仔女猛咁買嘢，阿里有今日成績，真係要感謝中國婦女。
另外，阿里副主席蔡崇信尋日喺另一場合，披露咗如何「搭上」馬雲，話說當年因一位朋友希望將公司賣畀馬雲，而有緣與馬雲認識。佢畀馬雲及其團隊嘅創業精神打動，並借助喺西湖泛舟機會，主動請求拜於馬雲門下，要成為阿里嘅一分子。馬雲當時真係畀佢嚇親，差點跌落西湖。
余絲韻