阿里巴巴舊年「光棍節」嘅銷售額達到350億元人仔，震驚中外，今年十一月十一日又嚟喇！阿里完成美國上市，今年嘅網購節更仲有走向國際嘅意義。
阿里亦首次將香港、台灣同俄羅斯等海外地區作為重點市場。既然國際化咗，超越舊年銷售金額應該唔難，但就未必去到舊年八成嘅增幅。
「光棍節」又叫「雙十一」網購節，經過去幾年發展，已成為外界關注內地消費市道嘅重要指標之一，阿里齋計旗下嘅天貓，已經話有2.7萬商戶參與今年嘅促銷活動，當中包括GAP、ZARA。
唔止係咁，甚至連大家估唔到嘅新奇士橙、用產地直送為焦點嘅波士頓龍蝦都有！個別品牌仲話要將部分生產線，專注於「雙十一」促銷品嘅生產，擺到明要食盡呢個黃金機會。
「雙十一」唔只係網購商機，就連互聯網金融產品促銷法門。
有消息指出，阿里關聯嘅螞蟻金服將於短期內，同阿里合作推出一款名為「天貓寶」嘅理財產品，呢項產品除向客戶提供等同「餘額寶」收益外，亦會提供每年約1%嘅天貓消費補貼，令客戶喺用「餘額寶」做小額理財嘅同時，亦吸引資金喺天貓消費，可謂一石二鳥！
至於騰訊（00700）持股嘅京東，面對天貓早前開展「雙十一」家電產品預售試圖提早綁定消費者，京東提早於十一月一日至十二日開展本年網購促銷外，亦會喺「雙十一」當日投放大量同天貓預售價格相當嘅家電產品，實行以貨真價實嘅手段，向對手還擊。
余絲韻