絲絲去街市，專揀乾淨又有冷氣嘅，以免身水身汗咁醜怪，尋日去咗天水圍天瑞街市，生果佬話佢哋呢個街市攞獎喎，開心到好似佢自己攞獎咁。
領匯（00823）老友話，呢個場啱啱至完成1,500萬元提升工程，喺世界批發市場聯盟（World Union of Wholesale Markets）舉辦嘅年度市場大賽中，力壓來自世界各地嘅街市同業，勇奪最高金獎殊榮，今次係首次有香港街市喺國際賽事摘金。
據講呢個賽事係表揚全球各地營運出色嘅批發市場及鮮活街市，今年大賽主題，係表揚傑出市場翻新項目管理。
天瑞街市係經過九個月悉心規劃，並進行為期兩個月工程，期間同社區保持融洽溝通，提供臨時檔位，以減低對租戶影響及繼續照顧社區需要。比賽參賽者來自全球七大洲，包括銀獎得主美國馬里蘭州鮮活市場，以及銅獎得主希臘雅典和瑞典斯德哥爾摩嘅鮮活市場。
余絲韻