喺尋日嘅「小微分享日」，傳咗好耐好耐嘅阿里金融終於都正式落地喇！小微金融服務集團正式改名為螞蟻金融服務集團（螞蟻金服）。
同阿里之前產品好「霸氣」嘅作風完全唔同，據螞蟻金服嘅管理層解釋，因為公司從小微做起，就好似螞蟻一樣，雖然渺小，但齊心協力就可發出驚人力量。
螞蟻金服取其寓意，既服務廣大「草根」消費者同小微企業，亦會以開放心態服務金融機構。
阿里以螞蟻命名旗下嘅重點企業，其實早有玄機，阿里出版過一本《馬雲內部講話》，馬雲就講過：「非洲沙漠同草原上只有餓死的大象，只有餓死的獅子，沒有餓死的螞蟻，螞蟻總能找到吃的」。
原來佢用咗螞蟻嚟做比喻，寄予集團要服務低成本、低投入嘅中小企，呢啲中小企就好似螞蟻一樣，「總能找到吃的」，即使危機嚟到，仍然長做長有點都唔會死。
單單螞蟻都有咁深層次嘅解釋，問你服未？
余絲韻