零距離參觀駕駛艙
為咗畀學生更深入認識航空業，香港航空就舉辦咗航空體驗計劃，到今年已經係第三屆喇。香港航空仲請嚟有份飾演《衝上雲霄II》電視劇嘅藝人江美儀擔任活動大使，至於香港航空嘅職員就化身專業導師，向東涌天主教學校嘅學生教授航空業嘅知識，帶佢哋零距離感受航空工作。
小學生們仲好難得咁可以登上香港航空A330客機參觀駕駛艙，學習客艙服務、飛機構造同救生衣運用等知識添。香港航空航空服務總監簡浩賢話，公司一直致力培育新一代，希望可以發掘到年青人嘅潛能，將來貢獻喺航空業。
見住一班機長、機艙服務員咁型、兼且仲咁有使命感，又唔知令幾多位小朋友燃起加入航空業嘅夢想呢？
余絲韻