亂局打殘港島睇樓量

太古城嗌低30萬求甩

利嘉閣黃凱達稱，康怡花園及南豐新邨、康山花園等，近數日交投已冰封，今、明兩日預約睇樓量較過往周末跌逾50%，業主感後市不明朗，即時封盤，如南豐新邨1座高層E室，原叫價約680萬元放售，日前業主已封盤觀望。

中原趙鴻運稱，太古城未來兩日預約睇樓跌約9%。據悉，屋苑南海閣低層戶，日前減價18萬元，以約780萬元售出。代理亦指，該屋苑業主恐「佔中」引發樓市大跌，富山閣中層放盤叫價由950萬元，減至920萬元。

中原王昭康稱，海怡半島今、明日預約睇樓量跌約50%，近日業主擴大議幅約1至2%，刺激屋苑連錄4宗買賣。豪宅方面，除中半山外，個別代理表示，西半山睇樓量亦減少約30%。

另九龍及新界區，中原曹嘉華稱，東涌映灣園上月錄28宗買賣，為全年單月最旺，但今、明日僅錄10組預約睇樓，較對上周末跌約50%。細價樓方面，祥益盤嘉茵稱，買家暫緩「上車」，部分暫停洽購，令今、明日屯門及天水圍區二手預約睇樓量跌近20%。

美孚新邨削價近5%沽

美聯吳志輝稱，荔枝角美孚新邨連錄4宗減價買賣，其中8期百老滙街118號中層A室，原叫價680萬元，減至648萬元沽，實用呎價約9,614元，減約4.7%。

中原指出，九月份十大屋苑錄約262宗買賣，按月少約7.1%，同期康怡花園僅錄5宗成交，全月未見交投「過百」屋苑；該批屋苑今、明日預約睇樓量，較上周末跌約16.7%。該行稱，大埔居屋新興花園周內錄3宗買賣。